Աղօթում Եմ

Երբ ժողովուրդն երամ երամ հաւաքւում է ու բողոքում,  

տանս նստած, սրտիս խորքից աղօթում եմ: 

Երբ երկիրս են անխղճաբար բորենիները թալանում,  

ես դեռ չոքած անկողնուս մօտ աղօթում եմ: 

Երբ ժողովուրդն երամ երամ հաւաքւում է ու բողոքում,  

տանս նստած, սրտիս խորքից աղօթում եմ: 

Երբ երկիրս են անխղճաբար բորենիները թալանում,  

ես դեռ չոքած անկողնուս մօտ աղօթում եմ: 

Երբ որ ագահ, անգութ մարդիկ կուտակում են հարստութիւն,  

եկեղեցու խորհրդաւոր սրահի մէջ աղօթում եմ: 

Երբ աղքատը խեղճ ու կրակ, ձեռք է մեկնում ունեւորին,  

ինչպէս եւ միշտ, խոր հաւատքով աղօթում եմ: 

Երբ լաւ մարդիկ քայլ են առնում որ երկիրը բարգաւաճի,  

ես էլ նրանց յաջողութեան, պարզ ու անկեղծ աղօթում եմ: 

Երբ տեսնում եմ ցաւօք սրտով քայքայւում է մի ընտանիք,  

ես տրտմորեն, խորը վշտով աղօթում եմ: 

Տեսնում եմ որ արդարութեան խախտումները շատանում են,  

սակայն ես դեռ մաքուր սրտով աղերսանքով աղօթում եմ: 

Իմ դրացին պաշտպանում է հայրենիքս թշնամու դէմ,  

ես էլ նստած աներեւոյթ թշնամու դէմ աղօթում եմ: 

Խիղճս հանգիստ աղօթում եմ եւ վստահ եմ սրտիս խորքից,  

ՏԷՐ ԱՍՏՎԱԾՆ էլ հաւատացեալ անձի համար աղօթում է: 

Վ. Ծ. Թորոնթո, 30 Ապրիլ 2018