Ինչ Որ Ցանես՝ Զայն Կը Հնձես…

Համօ Մոսկոֆեան , Պէյրութ, 27 Օգոստոս 2015

Գաղթականութեան հսկայական ալիքներ Միջին Արեւելքի երկիրներէն եւ Հիւսիսային Ափրիկէէն` փաստօրէն կը զաւթեն Եւրոպան, Յունաստանէն Գերմանիա, Ֆրանսա, Պելճիքա, Հոլանտա, Իտալիա եւ այլ երկիրներ` սնանկութեան եզրին կանգնած «հին ցամաքամաս»ին ուսերուն բարդելով նորանոր փորձանքներ: Ամերիկեան արտաքին քաղաքականութեան ձեռքը խամաճիկ դարձած` Եւրոպայի հզօրագոյն երկիրներ՝ Մերքելի Գերմանիան եւ Ֆրանսայի պատմութեան մէջ ամնէնախողակ նախագահ Հոլանտի Ֆրանսան, որ Սարքոզիէն ժառանգեց թալանուած եւ քարուքանդ եղած Լիպիոյ արիւնաթաթախ միլիոնները եւ բիւրաւոր փախստականները, կը գտնուին պայթիւնավտանգ իրադարարձութեանց հորձանուտին մէջ:

Մեծ երազներով ծնունդ տրուած եւրոյի գահավէժ անկումը «Քեռի Սէմ»ի տոլարին առջեւ, կրօնական ծայրայեղականներով եւ ահաբեկիչներով «վարակուած» Գերմանիոյ, Ֆրանսայի, Սպանիոյ, Պոսնիայի, Պելճիքայի, Հոլանտայի եկեղեցիները լուռ կը վաճառուին, մզկիթներ կառուցելու համար… Այսօր մղձաւանջ կ՚ապրին եւ հեռու չէ, երբ գեղեցիկ օր մը, կրնայ դժոխքի վերածուիլ քաղաքացիական պատերազմի ծագման վտանգներով, որուն օրինակները տեսանք Փարիզի, Լիոնի, Մարսէյի, արաբա-ափրիկեան արուարձաններուն եւ Մանհայմի, Ֆրանքֆորթի, եւ այլ «թուրք մահմետական» քաղաքներու թաղամասերուն մէջ, վերջին ամիսներուն:


Համօ Մոսկոֆեան , Պէյրութ, 27 Օգոստոս 2015

Գաղթականութեան հսկայական ալիքներ Միջին Արեւելքի երկիրներէն եւ Հիւսիսային Ափրիկէէն` փաստօրէն կը զաւթեն Եւրոպան, Յունաստանէն Գերմանիա, Ֆրանսա, Պելճիքա, Հոլանտա, Իտալիա եւ այլ երկիրներ` սնանկութեան եզրին կանգնած «հին ցամաքամաս»ին ուսերուն բարդելով նորանոր փորձանքներ: Ամերիկեան արտաքին քաղաքականութեան ձեռքը խամաճիկ դարձած` Եւրոպայի հզօրագոյն երկիրներ՝ Մերքելի Գերմանիան եւ Ֆրանսայի պատմութեան մէջ ամնէնախողակ նախագահ Հոլանտի Ֆրանսան, որ Սարքոզիէն ժառանգեց թալանուած եւ քարուքանդ եղած Լիպիոյ արիւնաթաթախ միլիոնները եւ բիւրաւոր փախստականները, կը գտնուին պայթիւնավտանգ իրադարարձութեանց հորձանուտին մէջ:

Մեծ երազներով ծնունդ տրուած եւրոյի գահավէժ անկումը «Քեռի Սէմ»ի տոլարին առջեւ, կրօնական ծայրայեղականներով եւ ահաբեկիչներով «վարակուած» Գերմանիոյ, Ֆրանսայի, Սպանիոյ, Պոսնիայի, Պելճիքայի, Հոլանտայի եկեղեցիները լուռ կը վաճառուին, մզկիթներ կառուցելու համար… Այսօր մղձաւանջ կ՚ապրին եւ հեռու չէ, երբ գեղեցիկ օր մը, կրնայ դժոխքի վերածուիլ քաղաքացիական պատերազմի ծագման վտանգներով, որուն օրինակները տեսանք Փարիզի, Լիոնի, Մարսէյի, արաբա-ափրիկեան արուարձաններուն եւ Մանհայմի, Ֆրանքֆորթի, եւ այլ «թուրք մահմետական» քաղաքներու թաղամասերուն մէջ, վերջին ամիսներուն:

Ինչպէս ժողովրդային արածը կ՛ըսէ` ինչ որ ցանես` զայն կը հնձես…

Արդարեւ, Ուքրանիոյ եւ ռուս 1000-ամեայ եղբայր ժողովուրդներու միջեւ պատերազմներ հրահրելու ու երկիրը երկու եւ այլ մասերու բաժնելու, հզօր Մոսկուայի դէմ փայտեայ սուրեր ճօճելու խաղին մէջ ինկած Եւրոպայի կարճամիտ ղեկավարները, նախկին Խ.Միութեան եւ Միջին Ասիոյ ու Չինաստանի հսկայական շուկաները կորսնցուցին բազմահազար բանուորներ եւ գիւղացիներ անգործ ձգելով: Աւելին, ամբողջ Սուրիան եւ Իրաքը դարձան արիւնախում «ՏԱԷՇ»ի,        «Ճէպհէթ էլ Նուսրա»ի կողմէՍուրիոյ վարչակարգին դէմ ճակատ, Իրաքի հիանալի պետութեան քայքայման թատերաբեմ, Ուաշինկթընի եւ «պոչիկ» Եւրոպայի ղեկավարութեան անվերջանալի դաւերով:

Քաղաքակրթութիւններ քարուքանդ եղան, 2000-ամեայ ծաղկուն քրիստոնէութիւնը տեղահան ու գաղթական դարձաւ, որպէսզի բուռ մը վայրի դրամատէրեր, ԱՄՆ-ի թէ Արեւմտեան Եւրոպայի մէջ նորանոր միլիառներ աւելցնեն իրենց դրամատնային հաշիւներուն վրայ: Այսօր, նոյնինքն ֆրանսացին, գերմանացին կամ բրիտանացին, լքած է Ափրիկէ եւ Միջին Արեւելք, «Արապստան», «Թուրքիստան» ու «Հնդկաստան» դարձած Փարիզն ու Պերլինը, Ֆրանքֆորթն ու Լիոնը, նախընտրելով ապրիլ «կէթթօ»-յացած գիւղերու եւ աւաններու մէջ: Դարձեալ սկսած են ամէնուրեք երեւիլ Հիթլէրի եւ Մուսոլինիի նկարները, օտարատեաց շրջանակները հզօրացած են ու բոլորը կը զինուին «հասկնալի» պատճառներով:

Մէկ խօսքով մեր երկրագունդը արագ քայլերով կը դիմէ դէպի անդունդ, եթէ կարելի չըլլայ առաջքն առնել այս խելահեղ, վայրենացած աշխարհակալութեան մոլուցքներուն:

1 comment
  1. Բարդ իրավիճակներ, դիւրին ախտաճանաչում

    Շատ բարդ իրավիճակներու շատ դիւրին ախտաճանաչումը ընող ուրիշ յօդուած մըն  է այս մէկն ալ ուր ոչ մէկ ինքնաքննադատութիւն կայ եւ ոչ մէկ պատասխանատուութիւն ստացնելու տրամադրութիւն բայց կայ անշուշտ անխուսաբելին՝ «ախ սա Արեւմուտքը եւ մանաւանդ Ամերիկան, այլապէս մենք եղբայրաբար կ՝ապրէինք մեր օրինապահ երկիրնեուն մէջ»:

Comments are closed.

You May Also Like
Read More

Նուիրեալները

 Մեթր Պարգև Դաւիթեան, Թորոնթօ, 5 Ապրիլ 2016 Ապրիլ 1-ը ճանչցուած է որպէս կատակի և ճերմակ սուտերով զուարճանալու օր։…
Read More