KeghartՏոքթ.Սարգիս Ատամ, Գերմանիա, 4 Հոկտեմբեր 2015
Հայոց օրացոյցի Հոկտեմբեր-Նոյեմբեր ամիսները մշակոյթի ձեռնարկներու ամիսներն են, այս առումով Գերմանիոյ զանազան քաղաքներու մէջ տեղի կ'ունենան Թարգմանչաց տօնին նուիրուած մշակոյթի հարուստ ձեռնարկներ «Հայկական Մշակոյթի Օրեր» անուան տակ:
Այս ձեռնարկները Գերմանիոյ Հայ կեանքին մէջ աւանդութիւն դարձած են։ Այս ծիրէն ներս կը ցուցադրուին վաւերագրական եւ պատմական լուսանկարներու երիզներ, ցուցահանդէսներ, կ'իրականան զեկոյցներ, հայկական երաժշտութեան համերգներ, բանախօսութիւններ, գրական երեկոներ եւ կը կազմակերպուին մշակութային զանազան ձեռնարկներ, որոնք հնարաւորութիւն կը ստեղծեն Հայ եւ Գերմանացի հանդիսատեսներուն , աւելի լաւ ծանօթանալ Հայ ժողովուրդի մշակոյթին:
Տոքթ.Սարգիս Ատամ, Գերմանիա, 4 Հոկտեմբեր 2015
Հայոց օրացոյցի Հոկտեմբեր-Նոյեմբեր ամիսները մշակոյթի ձեռնարկներու ամիսներն են, այս առումով Գերմանիոյ զանազան քաղաքներու մէջ տեղի կ'ունենան Թարգմանչաց տօնին նուիրուած մշակոյթի հարուստ ձեռնարկներ «Հայկական Մշակոյթի Օրեր» անուան տակ:
Այս ձեռնարկները Գերմանիոյ Հայ կեանքին մէջ աւանդութիւն դարձած են։ Այս ծիրէն ներս կը ցուցադրուին վաւերագրական եւ պատմական լուսանկարներու երիզներ, ցուցահանդէսներ, կ'իրականան զեկոյցներ, հայկական երաժշտութեան համերգներ, բանախօսութիւններ, գրական երեկոներ եւ կը կազմակերպուին մշակութային զանազան ձեռնարկներ, որոնք հնարաւորութիւն կը ստեղծեն Հայ եւ Գերմանացի հանդիսատեսներուն , աւելի լաւ ծանօթանալ Հայ ժողովուրդի մշակոյթին:
Այս ձեռնարկներու շարքին առաջինին բացումը կատարուեցաւ 26 Սեպտեմբեր 2015-ին Պեռլինի մէջ՝ Արշակ Չալումեանի ղեկավարութեամբ «Պարի Խումբի» թատերապարի ներկայացումով, «Գերման-Հայ Մշակոյթի Օրեր Պեռլինի Մէջ» անունով, որ կազմակերպուած էր Պեռլինի Գերման-Հայ Մտաւորականներու Միութեան, Պեռլին Քաղաքի Մշակոյթի Պետական Սենեակի, Պեռլինի Հայ Համայնքի, Պեռլինի Գերման Բողոքական Համայնքի եւ Գերմանիոյ Հայոց Առաջնորդութեան համագործակցութեամբ։ Ձեռնարկներու այս շարքը պիտի տեւէ մինչեւ 2 Նոյեմբեր 2015 թուականը։
1 Հոկտեմբեր 2015-ին Ֆրանքֆուրթ քաղաքի գեղարուեստի սրահին մէջ տեղի ունեցաւ
Տէնիս Ալթի Մեծ Եղեռնի ձօնուած «Նկարչական Ցուցահանդէս»ը :
19 Հոկտեմբեր – 31 Հոկտեմբեր 2015 թուականներու միջեւ հարաւային Գերմանիոյ Սթութթկարտ քաղաքի մէջ տեղի պիտի ունենայ Պատէն-Վիւրթէնպերկ նահանգի հայ համայնքի կողմէ կազմակերպուած 5-րդ աւանդական «Հայկական Մշակոյթի Օրեր Սթութթկարտի Մէջ» անուան տակ ձեռնարկներու շարքը, որ 19 Հոկտեմբերին պիտի բացուի Փրօֆ. Միհրան Տապաղի բանախօսութիւնով եւ Արտակ Կիրակոսեանի, Իսապէլ Մելքոնեանի, Հրայր Աճէմեանի երաժշտութեամբ:
23 Հոկտեմբեր- 20 Նոյեմբեր 2015 թուականներու միջեւ Քէօլն քաղաքի մէջ տեղի պիտի ունենայ Գերմանիոյ Հայոց Առաջնորդութեան կազմակերպած 12-աւանդական «Հայկական Մշակոյթի Օրեր Քէօլնի Մէջ» անունով ձեռնարկներու շարքը, որ պիտի բացուի 23 Հոկտեմբերին հանրածանօթ դաշնակահարուհի Մարինա Շիրինեանի դասական երաժշտութեան դաշնամուրային համերգով:
25 Հոկտեմբերին Քէօլնի մէջ տեղի պիտի ունենայ Գերմանիոյ Գործատէրերու Միութեան կազմակերպած «Հայաստանի Պարի, Երգի Պետական Համոյթի» ներկայացումը։
Click on any picture to start the slide show of flyers
Keghart
Keghart
Keghart