Համօ Մոսկոֆեան, Մոնաքօ-Պէյրութ-Գանատա հեռախօսով, 20 Մայիս 2010
Համօ Մոսկոֆեան, Մոնաքօ-Պէյրութ-Գանատա հեռախօսով, 20 Մայիս 2010
Իտալիայէն "Ֆերրարի", Թօրինոյէն "Մազոլինի Արուեստի Կալըրի"-ն, որ Ֆոնթանայի, Մոնալումի, Գասթելանիի, Լիժէի նման գեղանկարիչներու, միլիոններ արժող ստեղծագործութիւնները ցուցադրեցին։ Հրաւիրեալներու մէջ էին "Քինկզ Ռօտ Կալըրի"-ն (Անգլիա), "Ռոտոլֆ Պուճա Կալըրի" (Աւստրիա), "Ակաթօն" (Աւստրալիա), "Էքսփօ Արթ Մոնթրէալ" (Գանատա)։ Նիստի"Ֆերրերօ Կալըրի"-ն որուն սեփականատէրը հայ է։
"Noah’s Ark Gallery"-ն միակն էր որ Միջին Արեւելքէն հրաւիրուած էր։ Ցուցասրահի 5 նկարիչներու ստեղծագործութիւնները՝ Վահրամ Դաւթեանի, Սուրէն Ոսկանեանի, Վահան Ռումելեանի, Դաւիթ Դաւիթեանի եւ Էդիկ Բերդեանի: Ցուցահանդէսի բացումը տեղի ունեցաւ իշխանական "Կրիմալտի ֆօրում"-ին մէջ (Մոնաքոյի դուքսերու ազգանունը)։
Ցուցահանդէսի մրցանակաբաշխութեան յանձնաժողովի ("ժիւրի") անդամ ընտրուեցաւ նաեւ, "Նօազ Արք Կալըրի"-ի սեփականատէր ու տնօրէն Դոկտ. Մովսէս Հերկէլեան, Անտրէս Պատրօնի, Լօրի Կրահամի, Փօլ Պարթույի, Ռիթա Փոփովիցի կողքին, իսկ 2 ցուցասրահներ, որոնց կարգին "Նօազ Արք"-ը յայտարարուեցան մրցակցութենէ դուրս՝ որովհետեւ անոնց տնօրէնները կը գտնուէին դատական յանձնաժողովի կազմին ու ցուցահանդէսի տնօրէնութեան մէջ։
Յանձնուեցան 5 տեսակ "Գերազանցութեան մրցանակ"ներ (Prix d’excellence)։ Նշանաւոր մոնաքոցի արուեստագէտ Ֆիլիփ Փասթորին (Քալոս Կալըրի) տրուեցաւ կենսոլորտի պահպանման մրցանակը (Ju-wing “Living World” Series) ստեղծագործութեան համար), մինչ "Պարօք"-ի մրցանակը յանձնուեցաւ Ալեսանտրօ Տուպինիի (Մոնաքօ), գեղարուեստական որակի մրցանակը՝ "Կի Փիթիեռ Կալըրի"-ի (Ֆրանսա), ժողովրդային ընտրութեան մրցանակը՝ միաժամանակ տրուեցաւ "Կալըրի Մոնրէօլիվեթօ (Իտալիա) եւ "Քինկզ Ռօտ Կալըրի"-ին (Անգլիա)։ Մինչ արտայայտչական մրցանակը բաժին ինկաւ "Ռուտոլֆ Պուճա Կալըրի"ին (Աւստրիա)։
Բացման հանդիսութիւնը տեղի ունեցաւ բացառիկ շուքով, եզակի ցուցադրական ելոյթներով, յաճախ տարօրինակ՝ ամբողջովին մերկ երկու բնորդուհի եւ բնորդ մը, ոսկիի փոշիով ծածկեցին եւ անոնք ցուցադրուեցան ստեղծագործութիւններուն առաջ՝ որոնք կը հաւնին, զանազան դիրքեր ընդունելով լուսանկարուեցան ու նկարահանուեցան զանգուածային լրատուութեան միջոցներու տեսախցիկներու հոծ ներկայութեամբ։
Մոնաքօյի դքսութեան մէջ ապրող 30,000 բնակիչներէն միայն 4500-ը քաղաքացիներ ("Մոնոքէս") են, կիրթ եւ արուեստասէր, որոնք լաւագոյնս կազմակերպած էին այսպիսի արուեստի ու գեղարուեստի իրադարձութիւն մը, նաե՛ւ առեւտրական առումով։
Հայաստանը ներկայացնող "Noah’s Ark Gallery"-ի գրեթէ բոլոր ցուցադրած պաստառները վաճառուեցան, որպէս գնահատանք հայկական կերպարուեստին եւ անոր վաստակաշատ վարպետներուն։
3 comments
Armenian art in Monaco
Congratulations for Noah’s Ark Gallery!
Christine Kouyoumdjian
Reporter,
Montreal, Canada
Armenian Art in Monaco
Thanks Christine!
Hamo Moskofian
Monakoyum
Lragir "MTORUM", Aslamazyan A.K.
Comments are closed.