Յո՜ Երթաս Հայ Ժողովուրդ

Հեղինակ՝ Հրաչ Թուրիկեան, Թորոնթօ, 24 Նոյեմբեր 2009

Հայաստան-Թուրքիա Փրոթոքոլի ստորագրութեան նախօրեակին եւ յաջորդող օրերուն խառնաշփոթ կացութիւն տիրեց սփիւռքի հայահոծ գաղութներէն ներս: Յատկապէս, անախորժ դէպքեր պատահեցան նախագահ Սարգիսեանի սփիւռքահայ գաղութներուն տուած այցելութեան ընթացքին:

Այս կացութան պատասխանատու երեք կուսակցութիւնները, գլխաւորութեամբ Հ.Յ.Դ.-ին, դէմ գտնուեցան փրոթոքոլի համաձայնագրի ստորագրութեան, ցուցաբերեցին անլուրջ մօտեցում ու պահանջեցին նախագահին հրաժարականը, հակառակ իր տուած հաւաստիացումին եւ լուսաբանութիւններուն, թէ հայ ժողովուրդին մտավախութեան պատճառ հիմնական հարցերը քննելի չեն, ոչ ալ խնդրոյ առարկայ, ինչպէս Ցեղասպանութինը, Ղարաբաղը եւ մեր պատմական իրաւունքներու պահանջատիրութիւնը:


Հեղինակ՝ Հրաչ Թուրիկեան, Թորոնթօ, 24 Նոյեմբեր 2009

Հայաստան-Թուրքիա Փրոթոքոլի ստորագրութեան նախօրեակին եւ յաջորդող օրերուն խառնաշփոթ կացութիւն տիրեց սփիւռքի հայահոծ գաղութներէն ներս: Յատկապէս, անախորժ դէպքեր պատահեցան նախագահ Սարգիսեանի սփիւռքահայ գաղութներուն տուած այցելութեան ընթացքին:

Այս կացութան պատասխանատու երեք կուսակցութիւնները, գլխաւորութեամբ Հ.Յ.Դ.-ին, դէմ գտնուեցան փրոթոքոլի համաձայնագրի ստորագրութեան, ցուցաբերեցին անլուրջ մօտեցում ու պահանջեցին նախագահին հրաժարականը, հակառակ իր տուած հաւաստիացումին եւ լուսաբանութիւններուն, թէ հայ ժողովուրդին մտավախութեան պատճառ հիմնական հարցերը քննելի չեն, ոչ ալ խնդրոյ առարկայ, ինչպէս Ցեղասպանութինը, Ղարաբաղը եւ մեր պատմական իրաւունքներու պահանջատիրութիւնը:

Հակառակ Թուրքիոյ վարչապետին հակասական յայտարարութիւններուն, որոնք անվստահութեան մթնոլորտի պատճառ դարձան Թուրքիոյ եւ Հայաստանի միջեւ, միջազգային մամուլը, յայտնելով հանդերձ որոշ մտահոգութիւններ, փրոթոքոլի ստորագրութիւնը նկատեց դրական եւ պատմական քայլ մը:

Այս հարցին մէջ, Հ.Յ.Դաշնակցութեան եւ իր հետեւորդներուն ժխտական դիրքը, ուրիշ բան չէ, այլ իրենց նեղմիտ շահերուն հետապնդումը: նաեւ ցաւալի է որ չկրցան ըմբռնել եւ իրար չխառնել, ԱԶԳԱՅԻՆԸ, ՊԵՏԱԿԱՆՈՒԹԻՒՆԸ ԵՒ ԻՇԽԱՆՈՒԹԻՒՆԸ, որ իրարմէ տարբեր բաներ են ու շարունակեցին, զգացական կերպով, նկատել մէկ ամբողջութիւն:

Դժբախտաբար, կուսակցութիւնները, յատկապէս Դաշնակցութիւնը, շեղած են հայ ազգին եւ հայրենիքին ծառայելու իրենց անցեալի աւանդական յանձնարարութենէն, վերածուած են եսամոլ եւ շահադէտ կազմակերպութիւններու ու կորսնցուցած իրենց վարկը եւ հայ ժողովուրդին վստահութիւնը: Ցաւալի երեւոյթ է նաեւ Դաշնակցութեան ներկայ դիրքորոշումը Հայաստանի իշխանութեան հանդէպ, որուն բոլոր բարիքներէն տասնեակ տարիներ օգտուած է, առանց որեւէ դրական օժանդակութիւն բերելու ի նպաստ երկրի ընդհանուր բարգաւաճման եւ ժողովուրդի բարօրութեան:

Կարելի է դժգոհութիւններ ունենալ եւ համաձայն չգտնուիլ նախագահի քաղաքականութեան հետ, բայց կենցաղավարութիւնը կը պահանջէ իր դիրքին եւ պաշտօնին համապատասխան յարգանք ունենալ: Ընդհակառակը, կուսակցութիւնները ցուցաբերեցին դատապարտելի կեցուածք, հրահրեցին ժողովուրդը դիմելու ամօթալի ծայրայեղութիւններու ու այդ աններելի արարքները, ոչ միայն վարկաբեկեցին կուսակցութիւնները, այլ անպատուեցին նաեւ բովանդակ հայ ժողովուրդը եւ հայ ազգի եւ հայրենիքի ներկայացուցիչ նախագահը:

Սփիւռքը պարտաւոր է ըմբռնել երկրին ներկայ իրավիճակը եւ նկատի առնել նախագահին ու իշխանութեան մտահոգութիւնները, յատկապէս շրջանի քաղաքական պայմանները եւ Հայաստանի շրջափակման ժխտական անդրադարձը երկրի տնտեսութեան վրայ ու բերել համապատասխան օժանդակութիւն հայրենիքի անհրաժեշտ կարիքներուն:

Կոչ կ’ուղղենք հայ ժողովուրդին հեռու մնալ իր անկեղծ զգացումները շահագործողներէ, որոնք կը հետապնդեն միայն իրենց յատուկ նպատակները, ըլլալ իրապաշտ ու զոհ չերթալ գրգռութիւններու, խուսափիլ ամբոխավարական ծայրայեղութիւններէ եւ վերջ տալ տարակարծութիւններու ու առաջքը առնել հայ ժողովուրդի պառակտումին:

Հետեւաբար, ներկայ ճակատագրական օրերուն, միասնականութեան կոչ կ’ուղղենք բովանդակ հայութեան, միացեալ ուժերով դիմագրաւելու Հայաստանի եւ Սփիւռքի սպառնացող բոլոր վտանգաւոր հարցերը:

 
 

2 comments
  1. Յո՜ Երթաք անաչառութիւն եւ պարկեշտութիւն
    Ոչինչի պիտի ծառայէ երկար-բարակ վիճիլ հեղինակին հետ, տրուած ըլլալով որ յօդուածը լի է անճշդութիւններով եւ հին-նորացուած ամբաստանութիւններով: Հետեւեալ խօսքէն ետք, «ըմբռնել երկրին ներկայ իրավիճակը եւ նկատի առնել նախագահին ու իշխանութեան մտահոգութիւնները, յատկապէս շրջանի քաղաքական պայմանները եւ Հայաստանի շրջափակման ժխտական անդրադարձը երկրի տնտեսութեան վրայ », կ’ուզէի գիտնալ հեղինակին կարծիքը, արդեօք եթէ պէտք ըլլայ Մեղրին ալ տա՞նք, թէ միայն Արցախը յանձնելով յօդուածագիրին նշած հարցերը կը լուծուին: Յարգելի Հրաչ, այդ ե՞րբ եւ ո՞ւր երեք կուսակցութիւնները (գլխաւորաբար Դաշնակցութիւնը, ինչպէս կ’ըսես) պահանջեցին նախագահին հրաժարականը, երանի յիշեցնես:

    Շնորհակալութիւն

  2. Tadabardem Heghinagin

    Geh tadabardem heghinagin eer kradz hotvadzin hamar te khnetam ayndegh haydnvadz midkerun vra. Inch esel eh "azkayine" ou "bedagane" irarme zanazanel? Ayt inchbisi kaghakaganutyun bedk eh vare Serjike (vor Hayasdani mech geghdz endrutyunnerov nakhakah eh tarstel yev spurkee mech mez che nergayatsner) vor bedagane ella darper azkayinen? 

    Hedo miteh spurkee yev eer avantagan gusagtsutyunereh eeravunk chunin eerents khoske yev gardzikeh haydnelou gam nuynisg Hayasdani nakhakaheh knnatadelu? Ays vor tare gabrik baron Hrach? Guzek lretsnel spurke?

Comments are closed.

You May Also Like
Read More

Սրտի Խօսք

Պարոյր Աղպաշեան, Լիբանանի Խմբագիրներու սենտիքայի վարչական գերագոյն խորհուրդի անդամ, Պէյրութ, 24 Մայիս 2010   Անաղմուկ Մեկնումը Լիբանանեան Մամուլի…
Read More