Նոր Լրատուական Կայքէջը՝ Երեբունի

20 Դեկտեմբեր 2012

Լիբանանահայ մտաւորական,  հասարակական գործիչ, խմբագիր, հրապարակագիր եւ հրապարակախօս Ահարոն Շխրտըմեանի նախաձեռնութեամբ վերջերս հիմնադրուեցաւ նոր լրատուական կայքէջը՝ Երեբունի   որ լուրեր պիտի հաղորդէ երեք լեզուներով: Շխրտըմեան 1984-ին աւարտած է Երեւանի  Փոլիթեքնիք Ինստիտուտը արժանանալով Մագիստրոս տիտղոսին:  1986-ին մաս կը կազմէ Պէյրութի Արարատ թերթի խմբագրութեան եւ 2011-12 շրջանին կը վարէ պատասխանատու խմբագրի պաշտօնը մինչեւ հրաժարիլը անցնող Սեպտեմբեր ամսուն: Ան  Արժանացած է  տարբեր  մրցանակներու: Իր յօդուածները   լոյս տեսած են այլեւայլ հայ գաղութներու  եւ հայրենական մամուլին մէջ:  Մասնակցած է  հայ  մամուլին վերաբերող բազմաթիւ գիտաժողովներու:  Շխրտըմեան Ամուսնացած է եւ բախտաւորուած երեք  դուստրերով: Ստորեւ կը ներկայացնենք կայքէջի Մեր Մասին ներածականը:-Խմբ.

ՄԵՐ ՄԱՍԻՆ

Լիբանանի եւ սփիւռքի ազգային, քաղաքական եւ ընկերային առօրեան մեզի մղեց ստեղծել այլընտրանքային լրատուական կայքէջ մը, որ երեք լեզուներով (հայերէն, արաբերէն եւ անգլերէն) արագ տեղեկատուութիւն պիտի հաղորդէ Սփիւռքի եւ Հայաստանի ընթերցողներուն:

20 Դեկտեմբեր 2012

Լիբանանահայ մտաւորական,  հասարակական գործիչ, խմբագիր, հրապարակագիր եւ հրապարակախօս Ահարոն Շխրտըմեանի նախաձեռնութեամբ վերջերս հիմնադրուեցաւ նոր լրատուական կայքէջը՝ Երեբունի   որ լուրեր պիտի հաղորդէ երեք լեզուներով: Շխրտըմեան 1984-ին աւարտած է Երեւանի  Փոլիթեքնիք Ինստիտուտը արժանանալով Մագիստրոս տիտղոսին:  1986-ին մաս կը կազմէ Պէյրութի Արարատ թերթի խմբագրութեան եւ 2011-12 շրջանին կը վարէ պատասխանատու խմբագրի պաշտօնը մինչեւ հրաժարիլը անցնող Սեպտեմբեր ամսուն: Ան  Արժանացած է  տարբեր  մրցանակներու: Իր յօդուածները   լոյս տեսած են այլեւայլ հայ գաղութներու  եւ հայրենական մամուլին մէջ:  Մասնակցած է  հայ  մամուլին վերաբերող բազմաթիւ գիտաժողովներու:  Շխրտըմեան Ամուսնացած է եւ բախտաւորուած երեք  դուստրերով: Ստորեւ կը ներկայացնենք կայքէջի Մեր Մասին ներածականը:-Խմբ.

ՄԵՐ ՄԱՍԻՆ

Լիբանանի եւ սփիւռքի ազգային, քաղաքական եւ ընկերային առօրեան մեզի մղեց ստեղծել այլընտրանքային լրատուական կայքէջ մը, որ երեք լեզուներով (հայերէն, արաբերէն եւ անգլերէն) արագ տեղեկատուութիւն պիտի հաղորդէ Սփիւռքի եւ Հայաստանի ընթերցողներուն:

Yerepouni-news.com գրաւոր լուրերու, վերլուծական յօդուածներու ընդմէջէն կ’ընդգրկէ քաղաքական, տնտեսական, ընկերային, մշակութային, մարզական, գիտական նորութիւններ,վերլուծութիւններ, հարցազրոյցներ, համաշխարհային մամուլէն արձագանգներ: Կայքէջին հիմնական նպատակն է փոխանցել անաչառ, հաւասարակշռուած եւ համակողմանի լրատուութիւն: Անկաշկանդօրէն եւ առանց նախապաշարումներու մեկնաբանել ազգային, հայրենական համասփիւռքեան քաղաքական եւ ընկերային իրադարձութիւնները, ձեւաւորել ազատ եւ պատասխանատու խօսքի մշակոյթ:

Մեր նպատակն է հայ ընթերցողին փոխանցել հաւաստի, բազմակողմանի եւ առարկայական տեղեկատուութիւն՝ հիմնուելով լրատուական ցանցի այլ գործընկերներու փոխանցած տեղեկութիւններուն, աղբիւրներէ քաղուած հաղորդումներուն վրայ՝ յարգելով լրագրողի բարեխղճութիւնը եւ ապաւինելով՝ լրատուական պարկեշտութեան:

Yerepouni-news.com կը հաւատայ, որ հայապահպանումը դարձած է Սփիւռքի ամենահիմնական մտահոգութիւնը: Մենք կը հաւատանք, որ մեր ժողովուրդը պիտի կերտէ ժողովրդավար, զարգացած պետականութիւն, ազգային հզօր բանակ, ընկերային արդարութեան վրայ ձեւաւորուած հասարակութիւն, միասնական ու համադրուած ջանքերով անպայմանօրէն պիտի վերատիրանայ կորսուած իր իրաւունքներուն:

Yerepouni-news.com պիտի դառնայ բոլորին գործընկերը եւ պիտի ծառայէ հայկական լրատուական դաշտը ընդլայնելու առաքելութեամբ:

 

5 comments
  1. The More, the Merrier

    My congratulations to yet another Armenian on-line publication. Well done. I wish you all the best.

    However, I have a bone to pick with you. It's the choice of Armenian fonts in "Yerepouni" and "Keghart.com". The Keghart font has that enormous Armenian "R" which is still being used with resolute obstinacy (despite remarks from readers) and now the Yerepouni site has chosen a font so small and grey that it is illegible on the grey background of the site. Don't we have the equivalent of Arial-style Armenian fonts? What is wrong with our IT people who cannot come up with fonts which are legible at first glance and don't force the reader to resort to magnifying the size of their browser? Come on, guys! We are not in the Dark Ages anymore! Everything is possible at the touch of a button.

    Yours hopefully…..

     

  2. Numbers on “Yerepouni”

    It is good to see the Arabic side of your pages too.. Very commendable. However, why do you use Western numerics and not Arabic ones? Isn't that an insult to the reader in Arabic or a person whose mother tongue is Arabic? Food for thought?

    P.S. In hindsight, perhaps this is not the right forum to address this issue.

  3. Best Wishes to “YEREPOUNI”

    Յարգելի ԵՐԵԲՈՒՆԻ լրատուի խմբագրական կազմ, գնահատելի աշխատանքի նախաձեռնած էք ԵՐԵԲՈՒՆԻ ցանցային մամուլի նորահիմնումով: Ձեր նպատակադրած «անաչառ, եւ հաւասարակշռուած  լրատուութիւն» կարգախօսով հիմնաւորուիլը կը պարտաւորեցնէ ձեզ վճռակամօրէն հարատևել  ձեր ճշգրիտ ուղիին մէջ, տիրանալու համար համընդհանուր մեծաթիւ ընդերցասէրներու:

    Յաջողութիւն և բարի երթ ձեր բարդ ճանապարհին:

     

  4. Heartfelt Congratulations!
    Heartfelt Congratulations! Multitalented and visionary editor and unique mission. I wish you unprecedented success.

Comments are closed.

You May Also Like