Հայ-ադրբեջանական հակամարտությունը եւ Սփյուռքը

Արամ Ադամյան, Տորոնտո, 24 հուլիս 2020
Տավուշի սահմանագոտու ռազմական դեպքերով պայմանավորված՝ վերջին օրերին աշխարհի տարբեր երկրներում փողոցային բախումներ են տեղի ունենում հայերի և ադրբեջանցիների միջև: Այդ առիթով կուզենայի կատարել մի քանի նկատառում.
1. Տավուշի սահմանագոտու ռազմական գործողություններում հայկական կողմն իրեն փայլուն է դրսևորել, ուստի, որպես հաղթող կողմ, մենք բախումներն այլ հարթություններ տեղափոխելու շահագրգռվածություն չունենք:
2. Աշխարհի տարբեր երկրներում հայ համայնքները ի տարբերություն ադրբեջանցիների, ունեն լավ ձևավորված կառույցեր և պատրաստի կազմակերպություններ, ուստի փողոցային պայքարը այդ կառույցների ներուժն օգտագործելու լավագույն մեթոդը չէ:
3. Ի տարբերություն ցեղասպանության հարցի, Արցախյան խնդրին աշխարհը ծանոթ չէ, և մենք ադրբեջանցիների հետ փողոցային պայքարի մեջ մտնելով ու դրանով տեղական բնակչությանը անհարմարություն պատճառելով ադրբեջանցիների հետ հավասարապես հարուցում ենք նրանց դժգոհությունը և այդպիսով մեզ հավասարեցնում ադրբեջանցիներին:
4. Արևմուտքի երկրները, որտեղ կան հայահոծ համայնքներ, զարգացած հասարակություններով ժողովրդավարական երկրներ են, որտեղ համայնքների անունից տեղի իշխանություններին ուղղված լավ ձևակերպված խոսքը շատ ավելի ազդու կարող է լինել, քան փողոցային միջոցառումները:
5. Սփյուռքի քաղաքական կաույցները, սփյուռքի հետ աշխատող հայաստանյան իշխանությունների հետ համագործակցելով, կարող են իրենց երկրների ազդեցիկ հայերին տրամադրել լավ ձևակերպված քաղաքական տեքստեր՝ Ադրբեջանի ագրեսիվ գործողությունները դատապարտելու և նրա վրա ճնշում գործադրելու նպատակով: Այս առումով Քիմ Քարդաշյանի սոցցանցերում կատարած գրառումները ասվածիս գերազանց օրինակներ են:
Եզրակացություն. սփյուռքում հայրենիքին զորավիգ լինելու համար հայտնի հիմնադրամներին հանգանակություններ կատարելուց զատ մենք մեր պայքարը պետք է տանենք այն դաշտում, որտեղ մենք առավել զորեղ ենք՝ մտքի դաշտում: Հարկավոր է համակարգված ձևով դիմումներ հղել բնակության երկրի իշխանություններին և իրենց բնակության տարածքներից ընտրված խորհրդարանի անդամներին՝ պահանջելով դատապարտել Ադրբեջանի ագրեսիվ գործողություններն ուղղված սահմանագծի հայ խաղաղ բնակչության և հայկական քաղաքացիական նշանակության օբյեկտների դեմ, անպայման շեշտելով նաև Մեծամորի ատոմակայանին հրթիռային հարված հասցնելու Ադրբեջանից հնչած սպառնալիքները:
Փողոցում ադրբեջանցիներին ևս մեկ անգամ հաղթելուն ուղղված քայլերն ու այնտեղ նրանց սադրանքներին տրվելը այն դեպքում, երբ սահմանին մեր զինվորականներն արդեն հաղթել են, այնքան էլ խոհեմ չեն: Չմոռանանք, որ պետությունների միջև եղած զինված հակամարտությունները ոչ միայն նրանց զինվորականների, այլև նրանց ամբողջ պետական համակարգերի ու հասարակությունների միջև եղած պայքար են: Եվ Սփյուռքն իր կառույցներով, որպես հայաստանյան հասարակության և պետական համակարգի ներդաշնակ շարունակություն, պետք է ցուցաբերի առավել կազմակերպվածություն:
Leave a Reply

Comments containing inappropriate remarks, personal attacks and derogatory expressions will be discarded.

Your email address will not be published.

You May Also Like
Read More

ԱՆԿՈՒՄ

Ռուբէն Յովակիմեան, Սեն Ռաֆայել, Ապրիլ 2021 «Կեանքում, գէթ մէկ անգամ, բախտը թակում է իւրաքանչիւրի դուռը, միայն թէ, շատ…
Read More