Ջավախքը իմ Հայրենիքն է

Keghart.org
Ստացուած՝ 8 Մայիս 2023-ին

ԴԵՍՊԱՆԱԿԱՆ ԾԱՌԱՅՈՒԹՅՈՒՆՆԵՐԻՆ

 Դ Ի Մ Ո Ւ Մ

Ջավախքի հասարակական-քաղաքական կազմակերպությունները դիմում են Ձեզ խնդրանքով՝ ուշադիր հետևել Վրաստանում ազգային փոքրամասնությամբ բնակեցված Ջավախքում քաղաքացիներին Վրաստանի քաղաքացիությունից զրկելու հաճախակի դարձած գործընթացներին՝ քաղաքական հիմքերով: Մասնավորապես, Վրաստանի քաղաքացիությունից զրկվեց Տիգրան Մաթևոսյանը՝ Ախալքալաքի մունիցիպալիտետի Գումբուրդո գյուղից: Բանն այն է, որ նա «հանդգնել էր» ակտիվորեն (եռանդուն – Գեղարդ) մասնակցել իր գյուղի նշանավոր Սուրբ Համբարձում տաճարի հոգևոր սպասավոր պապի և քրոջ գերեզմանները պղծած վանդալների դեմ պայքարելու, նրանց մնացորդները վերահուղարկավորելու ու տաճարի գավթում խաչքար տեղադրելու սուրբ գործին:

Հակառակ Վրաստանի այն ժամանակվա ՆԳ նախարարի խոստմանը, սկսվեցին հետապնդումներ ակտիվ (եռանդուն – Գեղարդ) մարդկանց նկատմամբ և հատկապես Տիգրանի: Արդեն մի քանի տարի է ինչ այս գործը քննվում է տարբեր աստիճանի դատարաններում մարդու իրավունքների կոպիտ խախտումներով և ամենակարևորը՝ խախտվում է լուրջ առողջական խնդիրներ ունեցող Տիգրան Մաթևոսյանի ազատ տեղաշարժվելու և երկրից դուրս անհրաժեշտ բուժում ստանալու իրավունքը:

Հուսով ենք, որ Ձեր դրական արձագանքը էական ազդեցություն կունենա խնդրի լուծման վրա:

Ջավախքի մտավորականների միության նախագահ՝ Ա. Շիպակցյան
«Ջավախք» հասարակական կազմակերպության նախագահ՝ Ս. Հակոբյան
«Վիրք» կուսակցության համանախագահ՝ Դ. Ռստակյան

Leave a Reply

Comments containing inappropriate remarks, personal attacks and derogatory expressions will be discarded.

Your email address will not be published. Required fields are marked *

You May Also Like