Օնթարիօ նահանգը մայիսը կը հռչակէ որպէս «Հայկական ժառանգութեան ամիս»

Պէթթի Տողրամաճեան, Թորոնթո, 31 մայիս 2023

Օնթարիօ Նահանգի Խորհրդարանէն ներս Երկուշաբթի, 29 Մայիս 2023-ին, երեկոյան ժամը 5:00ին, տեղի ունեցաւ Մայիս ամիսը «Հայկական Ժառանգութեան Ամիս» փառաաշուք յիշատակումը:

Հանդիսաւոր ձեռնարկին ներկայ էին Օնթարիօ նահանգի Վարչապետ Տակ Ֆօրտ, Նախարարաներ, Երեսփոխաններ, Գանատայի մօտ Հայաստանի Հանրապետութեան լիազօր դեսպան Ազնուազարմ տիկին Անահիտ Յարութիւնեան, Թորոնթոյի հայ համայնքի կրօնական, քաղաքացիական առաջնորդներ, Միսիսակա, Քամպրիճ, եւ Սանթ- Քաթրինզ շրջաններու Հայ գաղութի ներկայացուցիչներ նաեւ բազմաթիւ քաղաքական, հասարակական գործիչներ, կազմակերպութիւններու ներկայացուցիչներ եւ ժողովուրդի հոծ բազմութիւն։

Սրահին մէկ բաժինը յարդարուած  էր Հայաստանը խորհրդանշող նուռերով, խաչքարերով եւ պատկերներով, իսկ միւս մասը՝ գեղեցիկ կարկանդակով, հայկական գինիով, քոնեակով եւ համադամ ճաշերով։

Ձախէն աջ երրորդը՝ Օնթարիօ նահանգի Վարչապետ Տակ Ֆօրտ, կողքին՝ Հայաստանի արտակարգ եւ լիազօր դեսպան Անահիտ Յարութիւնեան, այնուհետեւ՝ երեսփոխան Արիս Պապիկեան շրջապատուած նախարարներով

Բացման խօսք արտասանեց Օրդ․ Մեղրի Հաճինեան բարի գալուստ մաղթեց ներկաներուն և յայտնեց, թէ 105-րդ օրինագիծը, իւրաքանչիւր տարուան Մայիս ամիսը պիտի ճանչնայ,  որպէս «Հայկական Ժառանգութեան Ամիս», ներկայացուեցաւ Օնթարիօ նահանգի խորհրդարանի Սքարպորօ-Էյճինքորթ շրջանի երեսփոխան Արիս Պապիկեանի կողմէ: Օնթարիոյի Օրէնսդիր Ժողովը Գանատայի առաջին օրէնսդիր մարմինն է, որ ընդունեց  նման օրէնք՝ յարգելու եւ յարգանքի տուրք մատուցանելու Օնթարիոյի մէջ բնակող հայերուն՝ իրենց գործուն ներդրումին եւ բարի աւանդին համար Գանատական հասարակութեան մէջ:

Օրուայ  հանդիսավարը հրաւիրեց Երեսփոխան Արիս Պապիկեանը, որ իր կարգին շնորհակալութիւն յայտնեց Վարչապետ Ֆօրտին եւ նախարարներուն, իրենց միաձայն աջակցութեան ու օժանդակութեան համար։

Ապա խօսք առաւ Վարչապետ Տակ Ֆօրտ, բարձր գնահատելով Երեսփոխան Արիս Պապիկեանի աշխատանքը խորհրդարանէն ներս և Հայ ժողովուրդին համար։ Իր կարգին Հայաստանի արտակարգ եւ լիազօր դեսպան Անահիտ Յարութիւնեան շնորհաւորեց ներկաները, շնորհակալութիւն յայտնեց Վարչապետին եւ Օնթարիօ Նահանգին որ որդեգրեց սոյն նախաձեռնութիւնը։ Հայաստանի արտակարգ եւ լիազօր դեսպան Անահիտ Յարութիւնեան նշեց Հայերը այս նահանգի անբաժանելի մասնիկն են եւ հակառակ անոր որ Մայրենի հողէն հազարաւոր մղոններ հեռու են, կարողացած են պահպանել իրենց մշակոյթը եւ աւանդները։

Խօսքի աւարտին Երեսփոխան Արիս Պապիկեան հրաւիրեց Վարչապետ Տակ Ֆօրտ, Հայաստանի արտակարգ եւ լիազօր դեսպան Անահիտ Յարութիւնեան և պատւոյ հիւրերը հատելու 105 ամեակի առթիւ պատրաստուած կարկանդակը։

Գեղարուեստական յայտագիրով հանդէս եկաւ՝ «Սասուն Պարախումբը» հրամցնելով Հայկական գեղեցիկ պարեր։

Այստեղ կարելի է յիշել սոյն ձեռնարկին ներկայ էին նաեւ այլազան բազմամշակութային փոքրամասնութիւններու ներկայացուցիչներ՝ Յոյն, Չինացի, Ասորի, Հրեայ ,Ղպտի, Թամիլ, Քլտան և Սրիան ։

Այս առթիւ երեսփոխան Պապիկեան պատրաստած էր գրքոյկ մը, որ կը բովանդակէ Հայ ժողովուրդի գաղթը դէպի Գանատա եւ հաստատուիլը Օնթարիօ նահանգին մէջ։ ինչպէս նաև Հայերուն նշանակալի ներդրումը նահանգի ընկերային, մշակութային, կրթական, տնտեսական և քաղաքական հաստատութիւններուն մէջ, արուեստի, գիտութիւններու, գրականութեան մարզերէն ներս։ Աւելին՝ Օնթարիոյի Հայ համայնգին մասնակցութիւնը Առաջին եւ երկրորդ Համաշխարհային պատերազմերուն Գանատայի բանակի կողքին։

Նոյնպէս գրքոյկը կը ներբակէ Գանատայի մարդկային օժանդակութիւնը ցեղասպանութենէ վերապրող հայ ժողովուրդին իրենց ամենամութ ժամերուն եւ ՃորՃթաուն Պոյզ մարդասիրական առաքելութեանը: Նոյնպէս տեղ գտած է գրքոյկին մէջ Դաշնային  եւ նահանգային Օրէնսդիր եւ գործադիր մարմիններու կողմէ հայերուն ցեղասպանութեան ճանաչումը։

Երեսփոխան Արիս Պապիկեանի պատրաստած գրքոյկը

Ձեռնարկի աւարտին Երեսփոխան Արիս Պապիկեան յատուկ շնորհակալութիւն յայտնեց բոլոր անոնց, որոնք նպաստեցին սոյն ձեռնարկի կազմակերպական աշխատանքին եւ յաջողութեան։

Leave a Reply

Comments containing inappropriate remarks, personal attacks and derogatory expressions will be discarded.

Your email address will not be published. Required fields are marked *

You May Also Like
Read More

Աստղ մը եւս շիջեցաւ

Տիգրան Աբրահամեան, Գանատա, 27 Յունուար 2020 Յունուարի 18-ին, Պէյրութի մէջ մեզմէ անվերադարձ հեռացաւ մեր սիրելի ընկերը՝ Սերոբ Աբոյեանը:…
Read More
Read More

Սրտի Խօսք

Պարոյր Աղպաշեան, Լիբանանի Խմբագիրներու սենտիքայի վարչական գերագոյն խորհուրդի անդամ, Պէյրութ, 24 Մայիս 2010   Անաղմուկ Մեկնումը Լիբանանեան Մամուլի…
Read More