Ջերմության Ալիքներ՝ Գեղանկարիչ Այնթաբլյան

Համո Մոսկոֆյան, Բեյրութ, Հունվար 2010
 

Հայաստանի անկախության մութ ու ցուրտ տարիներին՝ երբ Բեյրութում էլ մոլեգնում էր քաղաքացիական պատերազմը՝ տաղանդաշատ գեղանկարիչ Հրաչ Անյթաբլյանը կարողացավ հաղթահարել բոլոր դժվարությունները եւ ավարտել Մայր Հայրենիքի Գեղարվեստի ինստիտուտը:

Համո Մոսկոֆյան, Բեյրութ, Հունվար 2010
 

Հայաստանի անկախության մութ ու ցուրտ տարիներին՝ երբ Բեյրութում էլ մոլեգնում էր քաղաքացիական պատերազմը՝ տաղանդաշատ գեղանկարիչ Հրաչ Անյթաբլյանը կարողացավ հաղթահարել բոլոր դժվարությունները եւ ավարտել Մայր Հայրենիքի Գեղարվեստի ինստիտուտը:

Լիբանանի 2009 թ.-ի քաղաքական դժվարին իրավիճակը, տնտեսական թե հասարակական սուր ճգնաժամը չկասեցրեց հրաչ Անյթաբլյանին կազմակերպելու իր “հերթականե ցուցահանդեսը”: Այն տեղի ունեցավ անցյալ հոկտեմբեր 25 – նոյեմբերի 14 ժամանակահատվածում, Բեյրութի Galerie surface Libre d’art ցուցասրահում, որն հիշեցնում է հռոմեական իշխանների դղյակները…: 2009 թ. հոկտեմբեր 28-ին երեկոյան, Բեյրութի արվեստասեր հասարակությունը, ազգային ու քաղաքական, կրոնական շրջանակների ընտրանին ներկա էին ցուցահանդեսի բացման փառաշուք հանդիսությանը: Ջերմ հյուրասիրության ու մտերմիկ զրույցի մթնոլորտում՝ հյուրերն ու արվեստասերները հիացան ու շնորհավորեցին բազմատաղանդ գեղանկարչին իր ստեղծագործությունների համար: Գունագեղ պաստառներում պատկերված էին Հայաստանի, Լիբանանի, հայաշատ սիրիական Քեսաբի բնապատկերներն ու կենցաղը, Բազմագույն ծաղկեպսակներ, բնության արձագանքներ, դիմակնարներ…: Այս բոլորը, այնթաբլյանական է, հատկանշական, հայկական-մերձարեւելյան գույներով ու մտահղացմամբ:
 

Ցուցահանդեսի ամբողջ տեւողությանը, չդադարեց գեղանկարիչների, արվեստագետների, զանգվածային լրատվության միջոցների ներկայացուցիչների հոսքը դեպի ցուցասրահ: Լիբանանահայ թե լիբանանյան մամուլը բազմաթիվ հոդվածներ նվիրեցին Հայ գեղանկարչի արվեստին:

“Ճիշտ է, որ այսօր հայկական գեղանկարչի կյանքի ճանապարհը վարդերով չէ զարդարված, սակայն շարունակելու եմ իմ առաքելությունը՝ որն սկիզբ է առել Մայր Հայրենիքում”, ընթերցողներին փոխանցեց Հրաչ Այնթաբլյանը: