KeghartՆերքեւի տեսագրութիւնը պատրաստուած է HyeID Քալիֆորնիոյ Կլենտել եւ Թահանկա հայահոծ քաղաքներու մասնաճիւղերու նախաձեռնութեամբ, որպէսզի Խանասորի արշաւանքի 125-ամեակի առիթով օժանդակեն բարեգործական ծրագրի մը: HyeID-ն նպատակ ունի դպրոցական ծրագիր մը իրագործել վտանգուած Սիւնիքի տարածքին: Դոկտ. Մինաս Գոճայեան ընդառաջելով իրեն ուղղուած հրաւէրին, ելոյթ մը ունեցաւ այս առթիւ:
Խանասորի արշաւանքը տեղի ունեցաւ 1897 Թուականի Յուլիս 25-ին թշնամիին եւ անոր հետ գործակցած ուժերուն դէմ: ՀՅԴ ֆետայիները Նիկոլ Դումանի ղեկավարութեամբ պատժիչ արշաւանք մը կազմակերպեցին 253 ֆետայիներով, որոնց մէջ կային նաեւ Արմէնական եւ Հնչակեան ֆետայիներ: Ցաւօք սրտի այս արշաւանքը եւ այլ նմանատիպ զինեալ գործողութիւններ կուսակցականացուած են կամ յաղթանակի վարկը տրուած է բացառապէս սա կամ նա կուսակցութեան: Ցաւօք, տեսնուած է նաեւ հետեւեալ երեւոյթը, ուր մրցակից կողմին յաղթանակը փորձուած է նսեմացնել: Խանասորի պարագային տեսակէտներ յայտնուած են նաեւ թէ հայերը չեն խնայած նաեւ կանանց եւ երեխաներուն, մինչդեռ թշնամի ցեղին առաջնորդը ազատած է … կանացի շորեր հագած փախուստով: Դոկտ. Մ. Գոճայեան սոյն անպաճոյճ ներկայացմամբ հանրութիւնը տեղեակ կը պահէ այս դէպքի առնչութեամբ՝ յոյս ունենալով որ ցուցաբերուած ոգին վարակիչ ըլլայ նաեւ ԱՅՍՕՐ:
Դոկտ. Մինաս Գոճայեանի ներկայացումին սկիզբը 8:08-ին
Երիզահանուած 24 Յունիս 2022-ին
Keghart
Keghart
1 comment
Մեր ազգի մեջ հենց այս բաժանումը կուսակցությունների միջև հանդիսացավ մեր պառակտման պատճառը, դաշնակակցական կուսակցությունն ունենալով ավելի մեծ քանակությամբ հետևորդներ, այդ պառակտման առաջին մեղավորներից մեկն է։ Այսօր նրանք ոչ միայն պառակտում են մեր ազգին այս օրհասական պահին, այլ 30 տարի շարունակ սատարելով հանցագործ ու թալանչի քոչին ու սերճոյին մեր երկիրը հասցրեցին այս անմխիթար ու քայքայված վիճակին։ Կարծում եմ այս կուսակցությունն իր շարքերը պետք է մաքրի կործանման տանող քերական ու սերճական հետնորդներին: